چمن سیکٹر: پاک فوج نے افغان طالبان کی متعدد چوکیاں اور گاڑیاں تباہ کر دیں

کوئٹہ (ڈیلی اردو) پاکستان کے شورش زدہ صوبہ بلوچستان کے سرحدی شہر چمن میں پاک افغان سرحد پر افغان طالبان فورسز اور کالعدم تحریک طالبان پاکستان کی بلا اشتعال جارحیت کے جواب میں پاک فوج نے بھرپور کارروائی کی ہے۔

سیکیورٹی ذرائع کے مطابق پاک فوج نے "آپریشن غضب للحق" کے تحت افغان طالبان کی کارروائیوں کا مؤثر جواب دیتے ہوئے جوابی اقدامات تیز کر دیے ہیں۔

ذرائع کا کہنا ہے کہ چمن سیکٹر میں پاک فوج نے افغان طالبان کی متعدد چوکیوں اور گاڑیوں کو درستگی سے نشانہ بنا کر تباہ کر دیا، جس کے نتیجے میں افغان طالبان اور کالعدم تحریک طالبان پاکستان کے مسلح دہشت گردوں کو پسپائی اختیار کرنا پڑی۔

سیکیورٹی ذرائع کے مطابق دفاعِ وطن کے لیے سیکیورٹی فورسز کا عزم غیر متزلزل ہے اور یہ کارروائیاں ملک کی علاقائی سالمیت کے تحفظ کے لیے جاری ہیں۔ حکام کا کہنا ہے کہ آپریشن غضب للحق تمام مقررہ اہداف کے حصول تک جاری رہے گا۔