ڈیرہ اسماعیل خان: سی ٹی ڈی نے عسکریت پسندوں کے 21 سہولت کار گرفتار کر لیے

ڈی آئی خان (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ڈیرہ اسماعیل خان میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے عسکریت پسندوں کے 21 مبینہ سہولت کاروں کو گرفتار کر لیا ہے۔

سی ٹی ڈی کے ترجمان کے مطابق کارروائی پہاڑپور اور دیگر پہاڑی علاقوں میں انٹیلی جنس بیسڈ آپریشن کے دوران کی گئی، جس میں گرفتار افراد کے قبضے سے اسلحہ اور بارود بھی برآمد ہوا۔

ترجمان نے بتایا کہ آپریشن کے دوران عسکریت پسندوں کے ساتھ فائرنگ کا تبادلہ بھی ہوا، اور پولیس و سی ٹی ڈی نے علاقے کو گھیرے میں لے کر سرچ آپریشن مکمل کیا۔ گرفتار شدگان میں عسکریت پسندوں کے مبینہ سہولت کار بھی شامل ہیں۔