کراچی: راشد منہاس روڈ پر فائرنگ، پولیس اہلکار ہلاک

کراچی (نمائندہ ڈیلی اردو) صوبہ سندھ کے صوبائی حکومت کراچی شہر کے مصروف علاقے راشد منہاس روڈ پر فائرنگ کے ایک واقعے میں پولیس اہلکار ہلاک ہو گیا۔ واقعے میں 28 سالہ شہریار نامی اہلکار جان سے گیا، جو شریف آباد میں واقع اے وی ایل سی (اینٹی وہیکل لفٹنگ سیل) میں تعینات تھا۔

پولیس کے مطابق شہریارعلی پر موٹر سائیکل سوار دو مسلح افراد نے فائرنگ کی، جو فائرنگ کے بعد موقع سے فرار ہو گئے۔ ہلاک اہلکار 2016 میں سندھ پولیس میں بھرتی ہوا تھا اور حالیہ دنوں میں لوئر کورس کے ساتھ ساتھ پولیو مہم کی ڈیوٹی بھی انجام دے رہا تھا۔

ابتدائی تفتیش کے مطابق پولیس نے شبہ ظاہر کیا ہے کہ یہ واقعہ ٹارگٹ کلنگ ہو سکتا ہے یا اس کے پیچھے ذاتی دشمنی بھی کارفرما ہو سکتی ہے۔ واقعے کی تحقیقات جاری ہیں۔

پولیس ذرائع کے مطابق رواں سال 2025 کے آغاز سے اب تک سندھ پولیس کے چار اہلکار ہلاک ہو چکے ہیں۔