کراچی: شاہ لطیف ٹاؤن سے کالعدم تحریک طالبان پاکستان کے دو دہشت گرد گرفتار

کراچی (بیورو رپورٹ) سندھ پولیس نے کراچی کے علاقے ملیر ٹاؤن کے قریب کارروائی کرتے ہوئے دو دہشت گردوں کو گرفتار اور ان کے قبضے سے اسلحہ برآمد کرلیا۔

ترجمان پولیس کے مطابق شاہ لطیف ٹاؤن پولیس نے ملیر ٹاؤن میں دہشت گردوں کی موجودگی سے متعلق ملنے والی خفیہ اطلاعات پر کارروائی کی اور دو دہشت گردوں کو گرفتار کرلیا۔

پولیس ترجمان نے گرفتار ملزمان کی شناخت رضا اللہ عرف ناصر اور حبیب نور عرف شیر حبیب کے ناموں سے کی ہے۔

ایس ایس پی ملیر عرفان بہادر کے مطابق گرفتار کئے گئے دہشت گردوں کا تعلق کالعدم تنظیم تحریک طالبان پاکستان ہے، ملزمان کے قبضے سے دستی بم، پاسپورٹ، غیر قانونی اسلحہ، بارودی مواد، بال بیرنگ، ڈیٹونیٹرز اور دیگر دستاویزات ہوئی ہے۔

عرفان بہادر نے بتایا کہ ملزم رضا اللہ عرف ناصر نے تحریک طالبان پاکستان میں 2011 میں شمولیت اختیار کی جبکہ گرفتار دہشت گرد حبیب نور عرف شیر حبیب نے 2008 سے کالعدم ٹی ٹی پی شامل ہے، دونوں دہشت گرد امیر کے کہنے پر مختلف دہشت گردانہ کارروائیوں میں ملوث رہے۔

ایس ایس پی ملیر نے مزید بتایا کہ گرفتار دہشتگردوں کیخلاف ضابطے کی کارروائی جاری ہے، پولیس نے گرفتار ملزمان کے دیگر ساتھیوں اور ٹھکانوں کے متعلق معلومات حاصل کرلی ہے، جلد مزید گرفتاریاں اور برآمدگی متوقع ہے۔

گرفتار ملزمان کو مزید تفتیش کیلئے نامعلوم مقام پر منتقل کردیا گیا ہے۔