کراچی میں دہشت گردی کا بڑا منصوبہ ناکام، 4 ٹن سے زائد بارودی مواد برآمد

کراچی (ڈیلی اردو) پاکستان کے صوبہ سندھ کے دارالحکومت کراچی میں سکیورٹی اداروں کی بروقت کارروائی نے شہر کو بڑی تباہی سے بچا لیا۔

سکیورٹی حکام کے مطابق بلدیہ رئیس گوٹھ میں کارروائی کے دوران 4 ٹن سے زائد دھماکا خیز مواد برآمد کیا گیا۔ اس دوران متعدد گیس سلینڈرز اور ایک منی ٹرک بھی تحویل میں لے لیا گیا۔

حکام نے بتایا کہ یہ کارروائی زیر حراست دہشت گردوں کی نشاندہی پر کی گئی، جنہوں نے آئی آئی چندریگر روڈ پر ایک بڑا دہشت گردانہ منصوبہ بنانے کی کوشش کی تھی۔

سکیورٹی حکام کے مطابق برآمد شدہ بارودی مواد کو بم ڈسپوزل اسکواڈ نے ناکارہ بنا دیا ہے۔ دھماکا خیز مواد کو ڈرموں میں بھر کر شہر میں منتقل کیا جانا تھا، اور اس دوران 60 ڈرم اور 5 گیس سلینڈرز قبضے میں لیے گئے۔