کراچی میں سی ٹی ڈی کی کارروائی، مطلوب دہشت گرد خواجہ فیصل گرفتار

کراچی (ڈیلی اردو) کراچی میں سی ٹی ڈی انویسٹی گیشن نے کارروائی کے دوران ایم کیو ایم لندن کا مطلوب دہشتگرد گرفتار کر لیا۔ ملزم خواجہ فیصل اور اس کے ساتھی ٹارگٹ کلنگ میں ملوث ہیں۔

سی ٹی ڈی حکام نے انٹیلی جنس بنیاد پر کراچی میں کارروائی کے دوران ایم کیو ایم لندن کے مطلوب دہشتگرد خواجہ فیصل کو گرفتار کرلیا۔

سی ٹی ڈی حکام کے مطابق ملزم کے قبضے سے اسلحہ و بارودی مواد برآمد کیا گیا۔ ملزم خواجہ فیصل اور اس کے ساتھی پولیس کے اعلیٰ افسران کے قتل میں ملوث ہیں۔

ملزمان کے دیگر ساتھیوں میں عرفان سندھی، ذاکرحسین، آصف بڈھا، ابو عرفان اور یامین شامل ہیں۔

ملزم اور اس کے ساتھی ایس پی جیل امان اللہ نیازی اور ڈی ایس پی رحیم بنگش کے قتل کے مقدمے میں بھی نامزد ہیں۔

ملزمان پر ڈی ایس پی نواز رانجھا کو بھی قتل کرنے کا الزام ہے۔ ڈی ایس پی نواز رانجھا کے قتل کے الزام میں خواجہ فیصل کی ٹیم کے دو ساتھیوں کو سزائیں ہوچکی ہیں۔

ملزمان نے رسالہ تھانے کی حدود میں سیاسی مخالفت پر دو لڑکوں کو قتل کیا تھا۔