کرم: شدت پسندوں کا قافلے پر حملہ، سپاہی ہلاک، پانچ دہشتگرد مارے گئے

کرم (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع کرم میں شدت پسندوں کے حملے میں سیکورٹی فورسز کا ایک اہلکار ہلاک اور چار زخمی ہوگئے، جبکہ سرچ آپریشن کے دوران پانچ حملہ آور بھی مارے گئے۔

ڈیلی اردو کے مطابق سنٹرل کرم کے مناتو علاقے میں سکیورٹی فورسز کے قافلے پر دہشتگردوں نے حملہ کیا، جس کے دوران ایک سپاہی ہلاک اور چار دیگر زخمی ہو گئے، جن میں دو کی حالت تشویشناک ہے۔

سکیورٹی ذرائع کے مطابق حملہ آور اپنے ساتھیوں کی لاشیں موقع پر چھوڑ کر فرار ہو گئے۔ تاہم سکیورٹی فورسز نے فوری جوابی کارروائی کرتے ہوئے شدت پسندوں کے حملے کو ناکام بنایا اور کارروائی میں پانچ دہشتگرد ہلاک کر دیے گئے۔

حکام کے مطابق ہلاک شدت پسندوں کا تعلق کالعدم تحریک طالبان پاکستان (ٹی ٹی پی) سے تھا۔