کورونا وائرس سے برطانیہ میں 300 پاکستانی نژاد برطانوی بھی جاں بحق

لندن (ڈیلی اردو/آن لائن) برطانیہ میں کورونا وائرس سے اب تک 300 پاکستانی نژاد برطانوی شہری جاں بحق ہو چکے ہیں جبکہ مجموعی طور پر ہلاکتوں کی تعداد 14 ہزار سے تجاوز ہو چکی ہے۔

برطانوی محکمہ صحت سروس کی جانب سے جاری کردہ تازہ ترین اعداد و شمار میں کہا گیا ہے کہ 19 اپریل تک ہونے والی اموات کی تعداد 13918 ہے جن میں 10244 سفید فام اور 2252 افراد سیاہ فام اور ایشیائی و دیگر شامل ہیں جو کہ 6 فیصد بنتے ہیں۔ باقی کے 10 فیصد اموات نسلی نژاد کی ہیں جن کے بارے میں ابھی تک کوئی معلومات جاری نہیں کی گئیں۔

ہلاک ہونے والوں میں بھارت سے تعلق رکھنے والے افراد کی تعداد 420 جبکہ پاکستانی نژاد افراد کی تعداد 300 بتائی گئی ہے۔ اس کے علاوہ 407 کارابلین، 89 بنگلہ دیشی، 50 چینی، 217 دوسرے ایشیائی، 131 سیاہ فام افراد بھی شامل ہیں۔