ہیوسٹن: امریکی ریاست ٹیکساس میں زور دار دھماکا، ہلاکتوں کا خدشہ

واشنگٹن (مانیٹرنگ ڈیسک) امریکی ریاست ٹیکساس کے سب سے بڑے شہر ہیوسٹن میں زوردار دھماکے کے بعد علاقے میں خوف و ہراس پھیل گیا۔

امریکی میڈیا کے مطابق ہیوسٹن کا شمال مغربی علاقہ علی الصبح زوردار دھماکے سے گونج اٹھا اور لوگ خوف میں مبتلا ہوگئے، ابتدائی طور پر معلوم ہوا ہے کہ دھماکا ایک عمارت کے اندر ہوا۔

Explosion of building: 4500 Gessner. Patrol units blocking off streets in the area. HFD responding. #hounews #houtraffic CC8

— Houston Police (@houstonpolice) January 24, 2020

امریکی میڈیا کا کہنا ہے کہ دھماکا اس قدر شدید تھا کہ اس کی آواز دور دور تک سنی گئی، دھماکے سے عمارتوں کے شیشے ٹوٹ گئے اور قریب کھڑی گاڑیوں کو نقصان پہنچا۔

مقامی وقت کے مطابق دھماکا صبح چار بجکر 20 منٹ پر ہوا، دھماکے کے فوری بعد آگ بھڑک اٹھی جب کہ تباہ حال عمارت کا ملبہ پھیل گیا۔

مقامی افراد نے سوشل میڈیا پر دھماکے سے متعلق بتایا ہے کہ علاقےمیں آگ لگی اور ملبہ نظر آرہا ہے۔ پولیس اور ریسکیو ٹیمیں جائے دھماکا پر پہنچ چکی ہیں اور امدادی کارروائیاں جاری ہیں۔ جبکہ ہلاکتوں کا خدشہ ظاہر کیا ہے۔