یوکرین کا روسی حملوں میں 262 ایتھلیٹس کی ہلاکت کا دعویٰ

کیف (ڈیلی اردو) یوکرین نے دعوٰی کیا ہے کہ جنگ میں روسی حملے کے نتیجے میں یوکرین کے 262 ایتھلیٹس ہلاک ہوچکے ہیں۔

بین الاقوامی میڈیا کے مطابق یوکرین کے وزیر کھیل وادیم ہٹسیت نے اپنے بیان میں کہا کہ روسی حملوں میں 363 اسپورٹس کے ادارے تباہ اور 262 ایتھلیٹس ہلاک ہوچکے ہیں۔

Ukraine calls for barring Russian athletes at Olympics

Russia's war against Ukraine has claimed the lives of 262 Ukrainian athletes and destroyed 363 sports facilities, according to the country's sports minister, Vadym Huttsait.https://t.co/6Wh16NJKtp

— Euromaidan Press (@EuromaidanPress) April 2, 2023

یوکرین کے دورے پر آئے انٹرنیشنل فیڈریشن آف جمناسٹک کے صدر موریناری واتنابے سے ملاقات کے دوران وادیم ہٹسیٹ کا کہنا تھا کہ روس کے کسی ایتھلیٹ کو اولمپکس یا دیگر کھیلوں کے مقابلوں میں شرکت کی اجازت نہیں ہونی چاہیے۔

انہوں نے مزید کہا کہ سب روسی ایتھلیٹس اس جنگ کی حمایت کرتے ہیں اور اس جنگ کی حمایت میں منعقد ہونے والی تقریبات میں بھی شرکت کرتے ہیں۔ تاہم دوسری جانب بین الاقوامی اولمپک کمیٹی نے روسی اور بیلاروسی ایتھلیٹس کی بین الاقوامی مقابلوں میں واپسی کی سفارش کی ہے۔

واضح رہے کہ آئی ایم ایف نے یوکرین کو 15.6 ارب روپے بطور قرض دینے کا اعلان کیا ہے۔ میڈیا رپورٹس کے مطابق آئی ایم ایف کے ایگزیکیوٹیو بورڈ نے یوکرین کیلئے 15.6 ارب ڈالر کے چار سالہ قرض پروگرام کی منظوری دی ہے۔