اسرائیلی جنگی طیاروں کی غزہ پر فضائی بمباری، درجنوں خواتین اور بچے زخمی

غزہ (ڈیلی اردو) اسرائیلی فضائیہ نے غزہ کے علاقے میں فضائی حملے کیے جس کے نتیجے میں کئی رہائشی عمارتیں تباہ اور درجنوں زخمی ہوگئے۔

عالمی خبر رساں ادارے کے مطابق اسرائیل نے غزہ کی پٹی کے علاقے دیر البالاح اور خان یونس پر بم اور میزائل برسائے، بمباری کا سلسلہ کئی گھنٹوں تک جاری رہا۔ علاقہ مکینوں نے اپنی مدد آپ کے تحت گھروں سے نکل کر اپنی جانیں بچائیں۔

Israel bombed the besieged Gaza Strip overnight as the UAE and Bahrain signed normalisation deals https://t.co/4hR1T5YqB3 pic.twitter.com/tcOBj4cyYj

— Al Jazeera English (@AJEnglish) September 16, 2020

اسرائیلی فضائیہ کے حملے میں کئی رہائشی عمارتیں مکمل طور پر تباہ ہوگئیں اور درجنوں افراد زخمی ہوگئے۔ زخمیوں میں خواتین اور بچے بھی شامل ہیں جنہیں قریبی اسپتال منتقل کردیا گیا ہے۔

حماس نے فضائی حملوں پر اسرائیل کو خبردار کرتے ہوئے کہا ہے کہ معصوم شہریوں اور املاک کو نشانہ بنانے سے گریز کرے۔ اسرائیل کو ان حملوں پر سخت جواب دیا جائے گا۔

دوسری جانب اسرائیلی فوج کے ترجمان نے دعویٰ کیا کہ فضائی بمباری غزہ سے داغے دو راکٹوں کے جواب میں کی گئی، یہ راکٹس حماس نے داغے تھے جس کے نتیجے میں دو یہودی آبادکار زخمی ہوئے تھے جب کہ ایک راکٹ کو فضا میں ہی ناکارہ بنادیا گیا تھا۔