اسرائیل کی دمشق اور غزہ پر شدید بمباری، 2 افراد شہید، 6 زخمی

غزہ + دمشق (مانیٹرنگ ڈیسک) اسرائیل افواج نے غزہ اور شامی دارالحکومت دمشق پر شدید بمباری کی۔

الجزیرہ ٹیلیویژن کے مطابق اسرائیلی افواج نے فلسطین کے علاقے غزہ اور شام کے دارالحکومت دمشق میں بمباری کی تصدیق کرتے ہوئے 2 افراد کے شہید ہونے کا بھی دعویٰ کیا ہے۔

Israel claims air raids near Syrian capital Damascus https://t.co/FDrKOakWt7 pic.twitter.com/dAg2QI9lJd

— Al Jazeera Breaking News (@AJENews) February 24, 2020

اسرائیلی افواج نے اتوار کی رات غزہ اور شامی دارالحکومت دمشق میں شدید بمباری کی جب کہ اسرائیل کا دعویٰ ہے کہ بمباری غزہ کی پٹی سے ہونے والے راکٹ حملوں کے بعد کی گئی جس کے بعد فضائی کارروائی میں پہلے جنوبی دمشق کو نشانہ بنایا گیا۔

اس کے علاوہ اسرائیلی افواج نے غزہ کی پٹی پر بھی شدید بمباری کی اور متعدد بم برسائے۔ جس کے نتیجے میں اب تک 6 شہری زخمی ہوگئے ہیں۔

Gaza Under Attack right Now#Gaza. pic.twitter.com/iEgi6wZXHp

— moneeb saada (@moneeb_saada) February 23, 2020

عرب خبر رساں ادارے الجزیرہ کی رپورٹ میں بھی آزاد ذرائع سے غزہ کی پٹی پر شدید بمباری کی تصدیق کی گئی ہے۔

https://twitter.com/ShehabAgencyEn/status/1231737139534213120?s=19

غیر ملکی خبر رساں ادارے اے ایف پی کے مطابق دمشق میں مقامی وقت کے مطابق رات 10 بجے شدید بمباری کی گئی جب کہ شام میں کام کرنے والے انسانی حقوق آبزرویٹر گروپ کا کہنا ہےکہ بمباری دمشق انٹرنیشنل ائیرپورٹ کے قریب کی گئی۔

شام کے سرکاری خبر رساں ادرے کے مطابق اسرائیلی حملے پر دمشق میں اینٹی ائیرڈیفنس سسٹم کو فوری طور پر فعال کیا گیا اور اسرائیل کی جانب سے فائر کیے گئے کئی میزائل ہدف پر پہنچنے سے پہلے گرادیے گئے جس سے ائیرپورٹ کو کوئی نقصان نہیں پہنچا۔