بلوچستان: واشک میں سکیورٹی فورسز کا آپریشن، 6 دہشتگرد ہلاک، بھاری اسلحہ اور گولہ بارود برآمد

واشک(ڈیلی اردو) سکیورٹی فورسز نے بلوچستان کے شورش زدہ ضلع واشک میں خفیہ اطلاعات کی بنیاد پر کارروائی کرتے ہوئے 6 دہشتگردوں کو ہلاک کر دیا، جبکہ جائے وقوعہ سے بھاری مقدار میں اسلحہ اور گولہ بارود بھی برآمد کیا گیا۔

موصولہ اطلاعات کے مطابق سکیورٹی فورسز نے مشتبہ عناصر کی موجودگی سے متعلق معلومات ملنے کے بعد علاقے کی نگرانی کی اور ان کے خلاف کارروائی کی۔ جھڑپ کے دوران 6 افراد ہلاک ہوئے، جنہیں فراہم کردہ رپورٹ میں ’’فتنۃ الہندوستان‘‘ سے وابستہ قرار دیا گیا ہے۔ کارروائی کے دوران کواڈ کاپٹر بھی استعمال کیے جانے کی اطلاع ہے۔

حکام کی جانب سے ہلاک ہونے والوں کی شناخت، برآمد کیے گئے اسلحے کی تفصیلات اور آپریشن سے متعلق مزید معلومات کی آزادانہ تصدیق دستیاب نہیں۔