اسلام آباد: سینئر صحافی محسن بیگ کی درخواست ضمانت منظور

اسلام آباد (ڈیلی اردو) انسداد دہشتگردی عدالت نے سینئر صحافی محسن بیگ کی 5 لاکھ روپے کے عوض درخواستِ ضمانت بعد از گرفتاری منظور کرلی ہے۔

تفصیلات کے مطابق انسداد دہشت گردی عدالت کے جج محمد علی وڑائچ نے سینئر صحافی محسن جمیل بیگ کی ضمانت بعد از گرفتاری پر سماعت کی جس میں صحافی کی جانب سے لطیف کھوسہ عدالت میں پیش ہوئے۔

عدالت نے فریقین کے دلائل مکمل ہونے پر فیصلہ محفوظ کیا جو بعد ازاں سناتے ہوئے محسن بیگ کی پانچ لاکھ روپے مچلکوں کے عوض درخواست ضمانت بعد از گرفتاری منظور کرلی۔

خیال رہے کہ محسن بیگ کیخلاف تھانہ مارگلہ میں انسدادِ دہشتگردی کی دفعات کے تحت مقدمہ درج کیا گیا تھا جس میں انہیں جوڈیشل ریمانڈ پر جیل بھیجا گیا تھا۔