اسلام آباد میں فائرنگ سے سب انسپکٹر ہلاک، ایک اہلکار زخمی

اسلام آباد (ڈیلی اردو) پاکستان کے وفاقی دارالحکومت اسلام آباد میں فائرنگ سے ایک پولیس افسر ہلاک ہوگیا۔

تفصیلات کے مطابق وفاقی دارالحکومت اسلام آباد میں مسلح ملزمان نے ہاؤسنگ سوسائٹی کے عملے پر فائرنگ کی جس سے تین افراد زخمی ہوئے۔

واقعے کے بعد پولیس نے حملہ آوروں کا تعاقب کیا جس پر حملہ آوروں نے پولیس پر بھی فائرنگ کردی جس کے نتیجے میں ایک سب انسپکٹر لیاقت ہلاک ہوگیا جب کہ ایک اہلکار زخمی ہوا۔

پولیس کا کہنا ہےکہ ایک ملزم کو زخمی حالت میں گرفتار کرلیا  ہے۔

https://twitter.com/ShabbirTuri/status/1492440960286208001?t=ZfgWnKjFKtVxVohGwCBAaQ&s=19

ترجمان کا کہنا ہے کہ فائرنگ کے واقعے پر آئی جی اسلام آباد احسن یونس نے نوٹس لیتے ہوئے ڈی آئی جی آپریشنز سے واقعہ کی رپورٹ طلب کرلی ہے۔

ایس ایس پی آپریشنز اور ایس ایس پی انوسٹی گیشن کی سربراہی میں پولیس ٹیمیں تشکیل دے دی گئیں اور علاقے کی ناکہ بندی کر کے سرچ آپریشن شروع کر دیا گیا ہے۔

گزشتہ دو ماہ کے دوران وفاقی دا الحکومت اسلام آباد میں اب تک دو پولیس اہلکار ہلاک جبکہ دو زخمی ہو چکے ہیں۔