افغانستان کے مختلف شہروں میں پاکستانی فضائی حملے

واشنگٹن (ش ح ط) افغانستان میں پاکستان کی جانب سے ایک بار پھر فضائی بمباری کی گئی۔ افغان ذرائع کے مطابق یہ حملے کابل، قندھار، پکتیا، پکتیکا اور بعض دیگر علاقوں میں کیے گئے۔

ابتدائی معلومات کے مطابق افغانستان کے دارالحکومت کابل اور صوبہ خوست میں دھماکوں کی آوازیں سنی گئیں، جبکہ قندھار ایئرپورٹ کے قریب بھی متعدد دھماکے ہوئے۔

عینی شاہدین کے مطابق کابل کے علاقے پلِ چرخی کو جنگی طیاروں نے نشانہ بنایا جہاں کئی زور دار دھماکے ہوئے۔

رپورٹس کے مطابق بعض مقامات پر بمباری کے نتیجے میں ملکی گھروں کو نشانہ بنایا گیا جس کے باعث خواتین اور بچوں سمیت کئی افراد ہلاک ہو گئے، جبکہ کچھ علاقوں میں مبینہ طور پر خالی دشتوں اور غیر آباد مقامات کو نشانہ بنایا گیا۔

دوسری جانب افغان طالبان نے بھی پاکستانی جیٹ طیاروں کی جانب سے رات گئے افغانستان میں کارروائی کی تصدیق کی ہے۔ طالبان کے ترجمان ذبیح اللہ مجاہد کے مطابق یہ کارروائیاں چار صوبوں میں کی گئیں اور ان کے بقول ان حملوں میں عام شہریوں کو نشانہ بنایا گیا۔

تاہم پاکستانی سکیورٹی ذرائع کا کہنا ہے کہ ان کارروائیوں میں تحریک طالبان پاکستان (ٹی ٹی پی) اور افغان طالبان سے وابستہ ٹھکانوں کو نشانہ بنایا گیا ہے۔

واقعے کے بعد متاثرہ علاقوں میں خوف و ہراس پایا جا رہا ہے جبکہ ہلاکتوں اور نقصانات کی حتمی تفصیلات سامنے نہیں آ سکیں۔ مزید تفصیلات کا انتظار ہے۔