امریکا: نیویارک میں زیر زمین ریلوے اسٹیشن میں فائرنگ، 16 افراد زخمی

نیو یارک (ڈیلی اردو/بی بی سی) امریکہ کے شہر نیویارک میں منگل کی صبح ایک زیر زمین ریلوے اسٹیشن پر فائرنگ کے واقعہ میں 16 افراد کے زخمی ہونے کی اطلاع ملی ہیں جن میں پانچ افراد کو گولی لگنے سے زخم آئے ہیں۔

اب تک سامنے آنے والی تفصیلات کے مطابق نامعلوم حملہ آور نے صبح ساڑھے آٹھ بجے زیرِ زمین ریلوے اسٹیشن میں پہلے ایک سموک بم پھینکا، جس سے دھواں پھیل گیا اور پھر حملہ آور نے فائرنگ شروع کر دی۔

جائے واردات سے موصول ہونے والی تصاویر میں دھوئیں سے بھرے اسٹیشن میں خون میں لت پت مسافروں کو فرش پر پڑے دیکھا جا سکتا ہے۔

https://twitter.com/derekcfrench/status/1513861902945902599?t=jr-IPCe7zdSVDd9dd2KuxA&s=19

مقامی ذرائع ابلاغ کے مطابق منگل کی صبح ساڑھے آٹھ بجے سن سیٹ پارک کے علاقے میں 36 سٹریٹ اسٹیشن میں فائرنگ کا یہ واقع پیش آیا ہے۔

حکام کی جانب سے اس حملہ آور کے بارے میں معلومات حاصل کرنے کے لیے اپیل کی جا رہی ہے جو اب بھی مفرور ہے۔

نیویارک سٹی پولیس کمشنر کے مطابق ’اس نامعلوم مسلح شخص نے پہلے گیس ماسک پہنا اور پھر فائرنگ کر کے متعدد افراد کو ٹرین اور پیلٹ فارم پر زخمی کیا۔‘

انھوں نے بتایا ’اس وقت اسے دہشتگردی کے واقعے کے طور پر نہیں دیکھا جا رہا۔‘

ان 16 میں سے 10 زخمیوں کو گولیاں لگی تھیں جبکہ دیگر افراد دھوئیں اور آغاز میں بھگدڑ مچنے کے باعث زخمی ہوئے۔

پولیس کے مطابق کسی بھی زخمی کی حالت تشویش ناک نہیں ہے جبکہ اہلکار اب بھی اس حملے کی وجہ تلاش کرنے کی کوشش کر رہے ہیں۔

اس زیرِ زمین ریلوے اسٹیشن سے کچھ ایسے دھماکہ خیز آلات بھی ملے ہیں جو پھٹ نہیں سکے۔

Shooter left behind a bag of explosives/fireworks and a Glock #brooklynsubway pic.twitter.com/5pLpbMlfQy

— Lidia Curanaj (@LidiaNews) April 12, 2022

اس حملے میں ملوث نامعلوم مسلح شخص مفرور ہے اور اسے تلاش کرنے کی کوششیں شروع کر دی گئی ہیں۔

اس نامعلوم شخص کے بارے میں بتایا جا رہا ہے کہ وہ سبز رنگ کی جیکٹ پہنے ہوئے تھا اور غالبہ گیس سے بچنے کا ماسک بھی منہ پر چڑھائے ہوئے تھا۔ کم از کم چار ٹرین سروسز عارضی طور پر معطل کر دی گئی ہیں۔