ایرانی سفارتخانے پر چاقو حملہ، وزارت خارجہ کا ڈنمارک کے سفیر سے احتجاج

کوپن ہیگن (ڈیلی اردو) ایران کے ڈینش سفیر کو طلب کرکے کوپن ہیگن میں اپنے سفارتخانے پر ہونے والے چاقو حملے پر احتجاج کیا۔

ایرانی وزارت خارجہ نے سرکاری میڈیا کو جاری کردہ بیان میں کہا کہ حملے میں ایرانی سفیر کو بھی دھمکی دی گئی۔

ڈینش پولیس کا کہنا ہے کہ انہوں نے ایرانی سفارتخانے میں چاقو سمیت داخل ہونے والے 32 سالہ ملزم کو گرفتار کرلیا ہے۔

CCTV camera footages show today an attacker with a knife in hand entered #Iran embassy compound in #Denmark capital Copenhagen. He wanted to attack Iranian female ambassador but was stopped by one of embassy personnel. Then he tried to damage some cars and embassy properties. pic.twitter.com/NzDobwrD5Y

— Abas Aslani (@AbasAslani) October 7, 2022

پولیس نے بتایا کہ سفارتخانے کی عمارت میں داخل ہونے والے ایرانی شہری کو سیکیورٹی عملے کی طرف سے روکا گیا تھا۔

دوسری طرف ایران کی وزارت خارجہ نے کہا ہے کہ چاقو بردار ملزم نے ڈنمارک میں تعینات ایران کے سفیر افسانے نادی پور کو دھمکی دی، ایک ملازم کو زخمی کیا جبکہ سفارتخانے کی گاڑیوں کو نقصان پہنچایا۔

ڈینش پولیس کا کہنا ہے کہ ملزم کو آج عدالت میں پیش کیا جائے گا جہاں اسے توڑ پھوڑ کرنے، تشدد کرنے اور سفارتی حیثیت رکھنے والے افراد کے خلاف جرم کرنے کے الزامات کا سامنا کرنا ہوگا۔