ایف اے ٹی ایف کی پاکستانی اقدامات اور عملدرآمد سے متعلق رپورٹ جاری

اسلام آباد (ڈیلی اردو) ایف اے ٹی ایف نے پاکستانی اقدامات اور عملدرآمد سے متعلق رپورٹ جاری کردی۔ ایشیاء پیسفک گروپ نے پاکستانی عملدرآمد رپورٹ میں واضح پیش رفت تسلیم کرلی۔ پاکستان نے اے پی جی کی 40 میں سے 31 سفارشات پر عمل کیا ہے۔

ایف اے ٹی ایف نے پاکستانی اقدامات اورعملدرآمد سے متعلق رپورٹ جاری کردی۔ ایشیاء پیسفک گروپ نے پاکستانی عملدرآمد رپورٹ میں واضح پیشرفت تسلیم کرلی۔

اعلامیہ کے مطابق ایف اے ٹی ایف ایشیاء پیسفک گروپ میوچوئل ایوالویشن رپورٹ جاری کی ہے۔ پاکستان نے اے پی جی کی 40 میں سے 31 سفارشات پر عمل کیا ہے۔ وزارت خزانہ کے مطابق سفارشات پر عملدرآمد پاکستان کیایف اے ٹی ایف معاملات پر سنجیدگی کوظاہرکرتا ہے۔

پاکستان انسداد منی لانڈرنگ اور انسداد دہشتگرد فنانسنگ روکنے کیلئے عالمی معیارپرپورا اترا ہے۔ پاکستان نے 21 سفارشات پر نہایت قلیل وقت بے مثال اور غیر معمولی انداز میں عملدرآمد کیا۔ 2019 میں اسی رپورٹ کے مطابق پاکستان نے 10 نکات پر عملدرآمد کیا تھا۔ پاکستان نے سفارشات پرعملدرآمد کیلئے 14 وفاقی اورتین صوبائی قوانین میں ترامیم کیں۔ ان قوانین سے نہ صرف نظام مضبوط ہوا بلکہ استحکام بھی سامنے آیا۔

پاکستان نے تکنیکی عملدرآمد رپورٹ اکتوبر 2020 میں ایف اے ٹی ایف کو جمع کرائی تھی۔ ایشیاء پیسفک گروپ نے پاکستان کی کوششوں کو سراہا۔ پاکستان نے اے پی جی گروپ میں دوبارہ درجہ بندی کیلئے رپورٹ جمع کرائی ہے۔