برکینا فاسو میں فرانسیسی فضائی حملوں میں 40 جنگجو ہلاک

پیرس (ڈیلی اردو) افریقی ملک برکینا فاسو میں فرانسیسی فوج نے جنگجوؤں کے ٹھکانوں پر فضائی حملے کیے جس کے نتیجے میں 40 جنگجو ہلاک ہوگئے۔

https://twitter.com/AfricisOrg/status/1492612564169154567?t=BRBjyQ71smv563PUz0ta8A&s=19

عالمی خبر رساں ادارے کے مطابق فرانسیسی فوج کے جنرل کمانڈر نے بتایا کہ انٹیلی جنس معلومات کی بنیاد پر برکینا فاسو میں عسکریت پسندوں کے ٹھکانوں کو نشانہ بنایا۔

فوجی کمانڈر کا مزید کہنا تھا کہ فضائی کارروائی میں 40 جنگجو ہلاک ہوگئے۔ یہ کارروائی شدت پسندوں کے پارک رینجرز میں حملے میں فرانسیسی شخص سمیت 9 افراد کی ہلاکت کے بعد کی گئی۔

ہلاک ہونے والے جنگجو برکینا فاسو میں حکومتی اور فرانسیسی فوجیوں پر حملے میں ملوث تھے۔ برکینا فاسو میں دہائیوں سے داعش کے ساتھ ساتھ مقامی جنگجو تنظیمیں متحرک ہیں۔