بلوچستان: بولان کے علاقے مچھ سے داعش کا کمانڈر گرفتار

کوئٹہ (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے صوبہ بلوچستان کے ضلع بولان کے علاقے مچھ میں کارروائی کرتے ہوئے کالعدم تنظیم داعش کے مقامی کمانڈر کو گرفتار کر لیا۔

ترجمان سی ٹی ڈی کے مطابق دہشت گرد ضلع مستونگ سے مچھ کے علاقے میں دہشت گردی کی بڑی کارروائی کرنے آرہا تھا تاہم فورسز نے بروقت کارروائی کرتے ہوئے تخریب کاری کا بڑا منصوبہ ناکام بنادیا۔

سی ٹی ڈی کی بولان کے علاقے مچھ میں اہم کارروائی، کالعدم تنظیم داعش کا مقامی کمانڈر محمد اکبر گرفتار، دھماکہ خیز مواد و دیگر اہم دستاویزات برآمد۔#ISPK #Deash #Mach #Bolan #Balochistan @Natsecjeff

— Shabbir Hussain Turi (@ShabbirTuri) February 3, 2022

ترجمان سی ٹی ڈی کے مطابق مچھ میں کارروائی کرتے ہوئے محمد اکبر عرف مولائی کو گرفتار کیا گیا۔

سی ٹی ڈی حکام کے مطابق گرفتار دہشت گرد ضلع مستونگ کا رہائشی ہے۔

دہشتگرد کے قبضے بھاری مقدار میں دھماکا خیز مواد، پرائما کارڈ، رقم اور دیگر سامان بھی برآمد کیا گیا۔

گرفتار دہشت گرد کے خلاف سی ٹی ڈی نصیر آباد میں مقدمہ درج کر کے تفتیش شروع کردی گئی۔