بلوچستان: تربت ایئر پورٹ کے قریب دہشتگردوں کا سکیورٹی فورسز پر حملہ، ایک فوجی ہلاک

راولپنڈی (کاشف محمود) صوبہ بلوچستان کے ضلع تربت ائیر پورٹ کے قریب ڈیوٹی پر مامور فوجیوں پر دہشتگردوں نے حملہ کر کے ایک اہلکار کو ہلاک کردیا۔

پاکستان فوج کے شعبہ تعلقات عامہ (آئی ایس پی آر) کے مطابق دہشتگردوں نے اپنی بزدلانہ کارروائی میں چھوٹے ہتھیاروں کا استعمال کیا۔ شرپسندوں کے بزدلانہ حملے میں پاک فوج کا نائیک عقیل عباس ہلاک ہو گیا۔

آئی ایس پی آر کے مطابق نائیک عقیل عباس کا تعلق گاؤں مہرو پیلو ضلع چکوال سے ہے۔

آئی ایس پی آر کے مطابق دہشتگردوں کی تلاش کیلئے فرنٹیئر کانسٹیبلری (ایف سی) بلوچستان کا سرچ آپریشن جاری ہے۔

سیکیورٹی فورسز جان کی پرواہ کیے بغیر دہشتگردوں کے ارادے ناکام بنا رہی ہیں۔