بلوچستان: مستونگ میں نیشنل پارٹی کے انتخابی دفتر پر دستی بم حملہ، 4 افراد زخمی

کوئٹہ (ڈیلی اردو) صوبہ بلوچستان کے ضلع مستونگ میں نیشنل پارٹی کے الیکشن کیمپ آفس پر نامعلوم افراد دستی بم سے حملہ کیا جس سے چار افراد زخمی ہو گئے۔

پولیس کے مطابق ضلع مستونگ میں نامعلوم افراد نے نیشنل پارٹی کے انتخابی دفتر پر دستی بم سے حملہ کردیا جس کے نتیجے میں چارافراد زخمی ہو گئے۔

ایس ایچ او سٹی پولیس عبدالفتاح نے بتایا کہ دستی بم حملے کے بعد نامعلوم افراد جائے حادثہ سے فرار ہونے میں کامیاب ہو گئے اور پولیس نے علاقے کی ناکہ بندی کر کے ملزمان کی تلاش شروع کردی ہے۔

انہوں نے بتایا کہ دو زخمیوں کی شناخت غلام محی الدین اور عبدالعزیز شامی کے نام سے ہوئی ہے جنہیں ابتدائی طبی امداد کے بعد ڈی ایچ کیو ہسپتال منتقل کردیا گیا ہے۔

ہسپتال ذرائع کے مطابق شدید زخمی عبدالعزیز کو ابتدائی طبی امداد کے بعد کوئٹہ ریفر کردیا گیا۔