بلوچستان: کوئٹہ کے علاقے خروٹ آباد میں دھماکا، تین بچے ہلاک

کوئٹہ (نمائندہ ڈیلی اردو) صوبہ بلوچستان کے صوبائی حکومت کوئٹہ کے علاقے خروٹ آباد میں دستی بم دھماکے میں 3 بچے ہلاک ہوگئے۔

#FLASH at least three children were killed in a grenade attack in #Killi Badezai #Kharotabad outskirts of the provincial capital #Quetta #Balochistan developing story…

— ???????? (@Info_Balochistn) June 3, 2021

پولیس کے مطابق خروٹ آباد کے علاقے کلی بادیزئی میں دستی بم دھماکا ہوا ہے، جس میں 3 بچے ہلاک ہوگئے ہیں۔

ریسکیو کے مطابق تینوں بچوں کی لاشوں کو بی ایم سی ہسپتال منتقل کردیا گیا ہے۔

دستی بم دھماکے کی اطلاع ملتے ہی سکیورٹی فورسز نے علاقے کو گھیرے میں لے لیا، جبکہ جائے دھماکا سے شواہد اکٹھے کیے۔

پولیس کی ابتدائی تفتیش میں بتایا گیا ہے کہ بچوں کو دستی بم ملا تھا، جس سے وہ کھیل رہے تھے، بچوں کے کھیلنے کے دوران دستی بم پھٹ گیا جس سے تین بچے موقع پر ہی ہلاک ہوگئے ہیں۔

واقعہ کی تحقیقات شروع کردی گئی ہے۔