بنوں میں سڑک کنارے دھماکا، ایک پاکستانی فوجی ہلاک، متعدد زخمی

پشاور (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع بنوں کے علاقے مم خیل میں ڈگری کالج کے قریب سڑک کنارے نصب بم کے دھماکے میں ایک پاکستانی فوجی ہلاک جبکہ دو فوجیوں سمیت چار افراد زخمی ہو گئے۔

ابتدائی اطلاعات کے مطابق دھماکہ اس وقت ہوا جب سکیورٹی فورسز کا ایک قافلہ علاقے سے گزر رہا تھا۔ دھماکے کے نتیجے میں علاقے میں شدید خوف و ہراس پھیل گیا۔

زخمیوں کو فوری طور پر قریبی ہسپتال منتقل کر دیا گیا ہے جہاں انہیں ابتدائی طبی امداد فراہم کی جا رہی ہے۔

واقعے کے بعد سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے جبکہ شواہد اکٹھے کیے جا رہے ہیں۔

تاحال کسی گروپ یا تنظیم نے حملے کی ذمہ داری قبول نہیں کی ہے۔