بھارتی ریاست چھتیس گڑھ میں ہیلی کاپٹر گر کر تباہ، 2 پائلٹ ہلاک

نئی دہلی (ڈیلی اردو) بھارتی ریاست چھتیس گڑھ کے شہر رائے پور کے ائیرپورٹ پر ہیلی کاپٹر گر کا تباہ ہو گیا جس کے نتیجے میں دونوں پائلٹ ہلاک ہو گئے۔

Sad news. Chattisgarh state helicopter crashes at the Raipur airport. Both pilots killed in the accident. Rest in Peace. pic.twitter.com/IBZZEJBMtV

— Aditya Raj Kaul (@AdityaRajKaul) May 12, 2022

بھارتی میڈیا کے مطابق ہیلی کاپٹر میں اس وقت آگ لگ گئی جب پائلٹ ہیلی کاپٹر کو لینڈ کرنے کی کوشش کر رہے تھے۔ حادثے میں جہاز میں سوار دونوں پائلٹ ہلاک ہو گئے۔

Chhattisgarh | A state helicopter crashed at Raipur airport today.

CM Bhupesh Baghel tweets that both the pilots, Captain Panda and Captain Srivastava have died in the accident. He expresses condolences to the bereaved families. pic.twitter.com/kzdOIVXBZ5

— ANI MP/CG/Rajasthan (@ANI_MP_CG_RJ) May 12, 2022

مقامی پولیس نے کہا کہ اس حادثے میں کیپٹن گوپال کرشنا پانڈا اور کیپٹن اے پی شریواستو ہلاک ہو گئے۔

پولیس کے مطابق حادثے کے مقام پر آگ لگ گئی تھی جس پر فائر فائٹرز نے قابو پالیا، پولیس نے حادثے کے مقام کو گھیرے میں لے لیا ہے، اور حادثے کی وجوہات کے لئے اپنی تحقیقات کا آغاز کر دیا ہے۔

چھتیس گڑھ کے وزیر اعلیٰ بگھیل نے اپنے ایک ٹوئٹ میں دونوں پائلٹس کو خراج عقیدت پیش کیا۔

وزیر اعلیٰ بگھیل نے کہا کہ رائے پور کے ہوائی اڈے پر سرکاری ہیلی کاپٹر کے حادثے کے بارے میں ابھی ایک افسوسناک خبر ملی ہے۔ اس المناک حادثے میں ہمارے دونوں پائلٹ کیپٹن پانڈا اور کیپٹن سریواستو کی موت ہو گئی ہے۔

وزیر اعلیٰ نے اپنے ٹوئٹ میں لکھا کہ اوپر والا اس وقت ان کے اہل خانہ کو طاقت اور مرحوم کی روح کو سکون عطا کرے۔