جنوبی وزیرستان میں دھماکا، سیکیورٹی فورسز کے 2 اہلکار شہید، 3 زخمی

وانا (دین محمد وزیر) خیبر پختونخوا کے قبائلی علاقے جنوبی وزیرستان کی تحصیل لدھا کے قریب سیکیورٹی فورسز کی گاڑی کے قریب ہونے والے دھماکے میں 2 اہلکار شہید اور 3 شدید زخمی ہوگئے۔

تفصیلات کے مطابق جنوبی وزیرستان کی تحصیل لدھا کے علاقے بدر بریج میں سیکیورٹی فورسز کی گاڑی کے قریب دھماکا ہوا، دھماکے کے نتیجے میں 2 اہلکار موقع پر شہید ہو گئے ہیں جبکہ 3 اہلکار شدید زخمی ہوگئے۔

ذرائع کا کہنا ہے کہ سیکیورٹی فورسز کی گاڑی بدر بریج (بدر پل) کے قریب کھڑی تھی کہ زور دار دھماکا ہوگیا، دھماکا آئی ڈی تھا۔

جنوبی وزیرستان میں دھماکے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا، دہشت گردوں کی تلاش کیلئے جاری ہے جبکہ شہید اور زخمیوں کو ہستپال پہنچا دیا گیا۔