جنوبی وزیرستان میں سیکیورٹی فورسز کے آپریشن میں 5 دہشت گرد اور 7 اہلکار ہلاک، آئی ایس پی آر

راولپنڈی (کاشف محمود) صوبہ خبیر پختونخوا کے قبائلی ضلع جنوبی وزیرستان میں سیکیورٹی فورسز اور دہشت گردوں کے درمیان فائرنگ کے تبادلے میں 7 فوجی بھی ہلاک ہوگئے جبکہ فائرنگ کے تبادلے میں 5 دہشتگرد بھی مارے گئے۔

پاکستانی فوج کے شعبہ تعلقات عامہ آئی ایس پی آر کے مطابق سکیورٹی فورسز نے جنوبی وزیرستان کے علاقے آسمان منزہ میں خفیہ اطلاع پر آپریشن کیا جس کے نتیجے میں کالعدم تنظیم تحریک طالبان پاکستان کے 5 دہشت گرد ہلاک ہوگئے۔

آئی ایس پی آر کا مزید بتانا ہےکہ دہشت گردوں سے فائرنگ کے تبادلے میں 7 فوجی جوان بھی ہلاک ہوگئے۔

آئی ایس پی آر کے مطابق علاقے میں دہشت گردوں کے خاتمے کیلئے سرچ آپریشن جاری ہے۔