جنوبی وزیرستان : گاڑی پر دستی بم حملہ و فائرنگ، پولیس اہلکار، ایک شخص زخمی

جنوبی وزیرستان اپر(ڈیلی اردو)خیبرپختونخواہ کے شورش زدہ قبائلی ضلع جنوبی وزیرستان اپر میں نامعلوم مسلح افراد نے ایک گاڑی کو دستی بم سے نشانہ بنانے کے بعد فائرنگ کی، جس کے نتیجے میں پولیس اہلکار عبداللہ ہلاک جبکہ موسیٰ خان عرف موسک زخمی ہوگئے۔

ابتدائی اطلاعات کے مطابق نامعلوم افراد نے گاڑی پر پہلے دستی بم پھینکا اور اس کے بعد فائرنگ کی۔ حملے کے نتیجے میں پولیس اہلکار عبداللہ موقع پر ہلاک ہوگئے، جبکہ موسیٰ خان عرف موسک کو زخمی حالت میں فوری طور پر طبی امداد کے لیے ہسپتال منتقل کیا گیا۔

ذرائع کے مطابق موسیٰ خان عرف موسک کو مزید علاج کے لیے ڈیرہ اسماعیل خان منتقل کیا جا رہا ہے۔ واقعے کے بعد علاقے میں سیکیورٹی بڑھا دی گئی ہے جبکہ حملہ آوروں کی تلاش کے لیے کارروائی شروع کردی گئی ہے۔

پولیس اور سیکیورٹی اداروں کی جانب سے واقعے کی تحقیقات جاری ہیں اور حملے میں ملوث افراد کی شناخت اور گرفتاری کے لیے کوششیں کی جا رہی ہیں۔