دمشق کے قریب اسرائیلی راکٹ حملوں میں 3 شامی فوجی ہلاک، 4 زخمی

دمشق (ڈیلی اردو) شام کے دارالحکومت دمشق کے جنوبی علاقوں میں “اسرائیلی راکٹ حملے میں 3 فوجی ہلاک اور 4 زخمی ہو گئے ہیں۔

شام کے سرکاری صنعا نیوز ایجنسی نے فوجی ذرائع کے حوالے سے بتایا گیا کہ راکٹ حملہ جمعے کی رات ہوا اور اسے گولان کی پہاڑیوں سے لانچ کیا گیا جس کے نتیجے میں تین اہلکار ہلاک اور 4 زخمی ہوگئے جبکہ مادی نقصان بھی ہوا۔

Three people were killed Friday night after #Israel fired missiles at #Syria’s capital, #Damascus. https://t.co/6KVRRMvzxH

— NORTH PRESS AGENCY – ENGLISH (@NPA_English) May 21, 2022

فوجی ذرائع نے یہ بھی بتایا کہ ہمارے فضائی دفاع نے اسرائیلی راکٹوں کا مقابلہ کیا اور ان میں سے بیشتر کو مار گرانے میں کامیاب ہوئے۔

دوسری جانب سیریئن آبزرویٹری فار ہیومن رائٹس کا کہنا ہے کہ حملے میں ایرانی ملیشیا کے فوجی ٹھکانوں کو نشانہ بنایا گیا۔

آبزرویٹری نے بتایا کہ حملے میں ہلاک ہونے والے شامی فضائی دفاع کے تین شامی اہلکار ہیں جبکہ چار دیگر زخمی ہوئے ہیں۔

https://twitter.com/Natsecjeff/status/1527943134369423362?t=gY5ROIlYO7h1sKH3BqLaeg&s=19

واضح رہے کہ شامی علاقوں پر یہ حملہ رواں سال کا 13واں اسرائیلی حملہ ہے۔ اس سے قبل 13 مئی کو اسرائیل نے میزائل حملہ کیا تھاجس میں وسطی شام میں پانچ افراد ہلاک ہوئے تھے جبکہ دوسرا حملہ 27 اپریل کو دمشق کے قریب کیا گیا جس میں چھ شامی فوجیوں سمیت 10 افراد ہلاک ہوئے تھے۔