سندھ: سانگھڑ میں نامعلوم افراد کی فائرنگ سے مقامی صحافی ہلاک

سانگھڑ (ڈیلی اردو) صوبہ سندھ کے ضلع سانگھڑ میں نا معلوم افراد نے فائرنگ کرکے مقامی صحافی کو قتل کردیا۔

تفصیلات کے مطابق سانگھڑ کے شہر جھول میں فائرنگ کا واقعہ پش آیا، جہاں نامعلوم افراد کی فائرنگ سے مقامی صحافی ہلاک ہوگیا۔

Another journalist killed in Sanghar. Few days ago a journalist was killed in Lahore. Pakistan becoming a very dangerous place for journalists. @MuradAliShahPPP must try his best to arrest the culprits involved in the murder of Murtaza Shar in Sanghar @RSF_en @CPJAsia https://t.co/xUZoRZUybF

— Hamid Mir حامد میر (@HamidMirPAK) January 30, 2022

ریسکیو ذرائع کا کہنا ہے کہ فائرنگ سے مقامی صحافی کا بھانجا شدید زخمی ہوا، جسے اسپتال منتقل کردیا گیا ہے جبکہ پولیس نے بتایا فائرنگ کا واقعہ پرانی دشمنی کا شاخسانہ ہے، تفتیش کی جارہی ہے۔

پولیس حکام کا کہنا ہے کہ جھول میں صحافی میر مرتضیٰ شر کو قتل کرنے والے ملزم گرفتار کرلیا ہے، ملزم علی نواز شر کو اسلحے سمیت گرفتار کیا گیا۔

وفاقی وزیر اطلاعات فواد چوہدری نے سانگھڑ میں صحافی کے قتل پر ردعمل دیتے ہوئے کہا کہ اندرون سندھ صحافیوں کی سلامتی چیلنج بن گئی ہے، مراد علی شاہ کو صحافیوں کے معاملات پر وفاق کی تشویش سے آگاہ کیا جائے گا۔

Shocking….. اندرون سندہ صحافیوں کی سلامتی ایک چیلنج بن گیا ہے، وزیر اعلی ٰ مراد شاہ چیف سیکرٹری اور IG Sindh کو صحافیوں کے معاملات پر وفاقی حکومت کی گہری تشویش سے آگاہ کیا جائیگا https://t.co/MsC6T4l5gH

— Ch Fawad Hussain (@fawadchaudhry) January 30, 2022

اپوزیشن لیڈر سندھ اسمبلی حلیم عادل شیخ نے صحافی کے قتل کی مذمت کرتے ہوئے کہا بیچ شہر میں صحافی کا قتل پولیس کیلئے شرمندگی کا مقام ہے، سندھ میں صحافیوں کا قتل معمول بن چکا ہے۔

سندھ کے شہر سانگھڑ کے علاقے جھول میں مقامی صحافی مرتضیٰ شر کو بیچ شہر میں گولیاں مار کر قتل کردیا گیا اسلام آباد میں آزادی صحافت کے بھاشن دینے والے بلاول سندھ میں صحافیوں کے قتل پر خاموش ہیں عزیز میمن اور اجے لالوانی کے قاتل پی پی میں اہم عہدوں پر فائز ہیں pic.twitter.com/zrQjwRa8Ce

— Haleem Adil Sheikh (@HaleemAdil) January 30, 2022

حلیم عادل شیخ نے مقتول صحافی کے اہلخانہ سے تعزیت و افسوس کا اظہار کرتے ہوئے کہا صحافی عزیز میمن، اجے لالوانی کے قاتل پی پی میں اہم عہدوں پر موجود ہیں۔