سوات: صوبائی وزیر ڈاکٹر امجد علی کے گھر پر دستی بم حملہ

سوات (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع سوات کے تحصیل بریکوٹ میں صوبائی وزیر ہاؤسنگ ڈاکٹر امجد علی کے گھر پر دستی بم حملہ ہوا ہے، تاہم خوش قسمتی سے اس واقعے میں کسی قسم کا جانی نقصان نہیں ہوا۔

ابتدائی اطلاعات کے مطابق حملہ شب یا صبح کے ابتدائی اوقات میں ہوا، جس کے نتیجے میں وزیر کے گھر کو جزوی نقصان پہنچا۔ 

واقعے کے بعد صوبائی وزیر نے میڈیا سے گفتگو کرتے ہوئے کہا کہ ان کی آواز دبانے کی سازش کی جا رہی ہے، لیکن وہ حق اور سچ کے ساتھ کھڑے ہیں اور کھڑے رہیں گے۔

پولیس نے واقعے کا نوٹس لیتے ہوئے مقدمہ درج کر کے تفتیش شروع کر دی ہے۔ مقامی انتظامیہ اور سیکیورٹی اداروں نے علاقے میں مزید حفاظتی انتظامات بڑھا دیے ہیں۔