سوڈان میں امن مشن میں شامل پاکستانی فوجی ہلاک

راولپنڈی (نمائندہ ڈیلی اردو) افریقی ملک سوڈان کے علاقے دارفور میں اقوام متحدہ کے امن مشن دستے پر حملے میں ایک پاکستانی اہلکار ہلاک ہو گیا ہے۔

I, on behalf of Pakistan Mission at the @UN & the Govt of Pakistan, offer my deepest condolences to the family of Lance Naik Adil Jan who left for eternal abode today while on duty.????????????????
Adil Jan was posted at the African Union Hybrid Operation in Darfur.
انا للہ وانا الیہ راجعون pic.twitter.com/Dsri7gso8a

— Munir Akram, PR of Pakistan to the UN (@PakistanPR_UN) September 9, 2021

پاک فوج کے شعبہ تعلقات عامہ (آئی ایس پی آر) کے جاری کردہ بیان کے مطابق یو این مشن دارفور میں خدمات سرانجام دیتے ہوئے لانس نائیک عادل جان شہید ہو گئے۔

آئی ایس پی آر نے بتایا کہ شہید لانس نائیک عادل جان کا تعلق فرنٹیئر کور (ایف سی) بلوچستان سے تھا اور ان کی عمر 38 برس تھی جبکہ وہ خیبرپختونخوا کے ضلع لکی مروت کے رہائشی تھے۔

بیان میں کہا گیا کہ لانس نائیک عادل دارفور میں شہریوں کی حفاظت اور انسانی امداد مین سہولت فراہم کرنے والے یو این مشن کا حصہ تھے۔

آئی ایس پی آر کا کہنا تھا کہ دنیا بھر میں امن اور استحکام کے لیے عالمی مشنز کا حصہ بننے والے اب تک 161 پاکستان پیس کیپر اپنی جانوں کے نذرانے پیش کرچکے ہیں۔

خیال رہے کہ پاکستان نے اقوام متحدہ کے مشن کا حصہ بننے کی قابل فخر روایات قائم کی ہیں اور اس کا شمار دنیا کے ان ممالک میں ہوتا ہے جن کے فوجیوں کی بڑی تعداد امن فوج میں شامل ہے۔

واضح رہے کہ 1993ء میں صومالیہ میں اقوام متحدہ کے امن مشن پر حملہ ہوا تھا جس میں 24 پاکستانی فوجی ہلاک ہوگئے تھے اور اس واقعے کو اقوام متحدہ کی تاریخ کا سب سے اندوہناک واقعہ سمجھا جاتا ہے۔

گزشتہ چھ عشروں سے زائد کے عرصے کے دوران اقوام متحدہ کے 46 امن مشنز میں دو لاکھ سے زائد پاکستانی فوجیوں نے اپنی خدمات انجام دی ہیں۔