سیکیورٹی فورسز کی شمالی وزیرستان اور مہمند میں کارروائیاں، 7 دہشت گرد ہلاک، اسلحہ اور مواصلاتی آلات برآمد

راولپنڈی (ڈیلی اردو) صوبہ خیبرپختونخوا کے اضلاع شمالی وزیرستان اور مہمند میں سیکیورٹی فورسز کی کاررروائی میں 7 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے مطابق صوبہ خیبرپختونخوا کے اضلاع میں دونوں کارروائیاں انٹیلی جنس معلومات کی بنیاد پر کی گئیں۔

آئی ایس پی آر کے مطابق کارروائی شمالی وزیرستان کے عدل خیل گاؤں میں کی گئی جہاں علاقے سے فرار ہوتے ہوئے 4 دہشتگرد مارے گئے۔ ہلاک دہشتگروں کے قبضے سے اسلحہ اور مواصلاتی آلات برآمد ہوئے۔

آئی ایس پی آر کے مطابق ادھر مہمند میں آپریشن کے دوران 3 دہشتگرد مارے گئے جن کے قبصے سے بھارتی ادویات، لٹریچر اور دیگر سامان برآمد کیا گیا۔

پاک فوج کے شعبہ تعلقات عامہ (آئی ایس پی آر) کے مطابق دہشتگردوں کے ٹھکانوں سے بھارتی کمپنیوں کی تیار شدہ ادویات اور انتہاء پسندی سے متعلق مواد، بارودی سرنگیں اور نائٹ ویژن آلات بھی برآمد کئے گئے ہیں۔

آئی ایس پی آر کے مطابق ضلع مہمند میں دہشتگردوں کے خفیہ ٹھکانوں پر سیکیورٹٰ فورسز کے آپریشن کے دوران 3 دہشتگرد ہلاک ہوئے۔ اس کے علاوہ مستند خفیہ معلومات کی بنیاد پر ضلع شمالی وزیرستان کے گاؤں ادل خیل میں بھی آپریشن کیا گیا۔

ادل خیل گاؤں میں بھاگنے کی کوشش کے دوران چار دہشتگردوں کو مار گرایا گیا جبکہ بڑی تعداد میں اسلحہ، گولہ اور بارود برآمد کیا گیا۔ گزشتہ 24 گھنٹوں میں خفیہ معلومات کی بنیاد پر کیے گئے آپریشنز میں 7 دہشتگرد ہلاک ہوئے۔

https://twitter.com/Natsecjeff/status/1247596736216018944?s=19