شام میں ایرانی ہتھیار لیجانے والے قافلے پر فضائی حملہ، 11 افراد ہلاک

دمشق (مانیٹرنگ ڈیسک) شام میں ایرانی ہتھار لیجانے والے قافلے پر فضائی حملے میں 11 افراد ہلاک ہوگئے۔

The information confirms that the airstrikes hit a gathering of #Iranian militia trucks inside the Syrian territory and near the Iraqi border, while there is still no information concerning the human casualties.

— Omar Abu Layla (@OALD24) January 29, 2023

فرانسیسی خبر ایجنسی کے مطابق ٹرکوں کا قافلہ ایرانی ہتھیار لیکر عراق سے شام جارہا تھا جسے سرحدی علاقے البوکمال میں فضائی حملے میں تباہ کردیا گیا۔

سیریئن آبزرویٹری فار ہیومن رائٹس کے مطابق ہلاک ہونے والے ساتوں افراد ٹرک ڈرائیور اور ان کے معاونین تھے جو سب کے سب غیرملکی ہیں۔

A series of unclaimed drone strikes on pro-Iran factions in war-torn Syria killed 11 people and destroyed trucks carrying Iranian arms from Iraq, a war monitor said Monday.#Iran #NewsUpdates #Syria https://t.co/GaBgZskwBW

— The Daily Star (@dailystarnews) January 30, 2023

کسی ملک نے تاحال ان حملوں کا دعویٰ نہیں کیا لیکن اسرائیل شام میں ایران نواز ملیشیاز اور حکومتی فورسز کے خلاف سیکڑوں حملے کر چکا ہے جبکہ امریکی فوج بھی یہاں سرگرم ہے۔

سیریئن آبزرویٹری کے سربراہ رامی عبدالرحمان نے اے ایف پی کو بتایا کہ ٹرکوں پر ایرانی ہتھیار موجود تھے جبکہ اسی ہفتے کم از کم دو ایسے ہی قافلے المیادین میں ایران نواز گروپوں کیلئے ہتھیار لیکر عراق سے شام پہنچے تھے۔

واضح رہے کہ تہران شام کی خانہ جنگی میں اپنے اتحادی بشارالاسد کو ہتھیاروں اور مسلح جنگجوؤں کی صورت میں عسکری مدد فراہم کرتا ہے۔

مقامی میڈیا آؤٹ دیر الزور 24 کے سربراہ عمر ابو لیلیٰ نے پیر کو اے ایف پی کو بتایا کہ حملوں میں ٹرکوں کے قافلے کیساتھ اس علاقے میں ایران کے حمایت یافتہ گروپوں کے ہیڈ کوارٹر کو بھی نشانہ بنایا گیا ہے۔

واضح رہے کہ ایران نواز ملیشیاز عراق اور شام کی سرحد پر اور شام کے دیر الزور صوبے میں فرات کے جنوب اور مغرب میں بڑی موجودگی رکھتی ہیں، البو کمال اور المیادین دونوں دیر الزور میں ہیں اور البو کمال میں ماضی میں بھی اس طرح کے حملے ہوچکے ہیں۔