شمالی وزیرستان میں ایف سی گاڑی پر حملہ، پولیس افسر سمیت پانچ اہلکار ہلاک

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان کی تحصیل میر علی کے علاقے شلپازئی کے قریب ایف سی کی گاڑی پر دہشتگردوں کے حملے میں پولیس افسر سمیت پانچ اہلکار ہلاک ہوگئے ہیں۔

سرکاری ذرائع کے مطابق شمالی وزیرستان کی تحصیل میر علی کے قریب دہشتگردوں نے ایف سی کی گاڑی پر حملہ کیا، دہشتگرد حملے میں ایک سب انسپکٹر سمیت پانچ سیکورٹی اہلکار ہلاک ہوگئے ہیں۔

ہلاک ہونے والوں میں چارسدہ کے رہائشی 35 سالہ حوالدار زاہد، خیبر کے رہائشی 28 سالہ لانس نائیک ولی، کرم کے رہائشی 28 سالہ لانس نائیک عبدالمجید، حوالدار اشفاق اور اسپن وام کے رہائشی 38 سالہ سب انسپکٹر جاوید شامل ہیں۔

شمالی وزیرستان کی تحصیل میرعلی کے علاقے چھپرزائی میں ایف سی کی گاڑی پر فائرنگ سے حوالدار زاہد، حوالدار اشتیاق، لانس نائیک مجید اور لانس نائیک ولی ہلاک ہوگئے۔ حملے میں پولیس افسر جاوید لاپتہ۔ علاقے میں سرچ آپریشن جاری۔#FC #TTP #NorthWaziristan #Pakistan @Natsecjeff

— Shabbir Hussain Turi (@ShabbirTuri) October 2, 2021

ذرائع کے مطابق فیلڈر گاڑی بمع ایک ڈرائیور لاپتہ ہے جبکہ مذکورہ اہلکار علاقے شلپازئی بوبلی چیک پوسٹ پر ڈیوٹی دے رہے تھے۔ سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔

فائرنگ کے بعد ملزمان فرار ہونے میں کامیاب ہوگئے۔

دوسری جانب کالعدم تحریک طالبان پاکستان (ٹی ٹی پی) نے حملے کی ذمہ داری قبول کرلی، ترجمان ٹی ٹی پی محمد خراسانی نے دعویٰ کیا ہے کہ حملے میں ایک صوبیدار سمیت پانچ اہلکار ہوگئے ہیں۔