شمالی وزیرستان میں بارودی سرنگ کا دھماکا، دو پاکستانی فوجی ہلاک، ایک زخمی

اسلام آباد (ش ح ط) صوبہ خیبر پختونخوا کے ‏قبائلی ضلع شمالی وزیرستان میں دہشت گردوں کے بارودی سرنگ کے دھماکے میں دو پاکستانی فوجی ہلاک جبکہ ایک فوجی شدید زخمی ہوگیا۔

ذرائع کے مطابق شمالی وزیرستان کی تحصیل گڑیوم کے علاقے زین زرگہ میں پاکستانی فوج کے ایک گاڑی کو سڑک پر نصب بارودی سرنگ سے نشانہ بنایا گیا، جس کے باعث پاکستان فوج کے صوبیدار صفدر حیات اور سپاہی قیصر ہلاک جبکہ سپاہی غلام اکبر شدید زخمی ہوگیا ہے۔

Tehrik-e-Taliban Pakistan (TTP) has claimed responsibility for today's IED blast in North Waziristan that killed two Pakistani soldiers and wounded another. TTP statement indicates that the attack may be in revenge for recent CT op in Hangu in which 4 TTP militants were killed. https://t.co/tesJAWhjh3

— FJ (@Natsecjeff) November 6, 2021

لاشیں اور زخمیوں کو ہیلی کاپٹر کے ذریعے سی ایم ایچ منتقل کر دیا گیا۔

سرکاری ذرائع کے مطابق علاقے میں سیکیورٹی فورسز کا سرچ آپریشن جاری ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے دعویٰ کیا ہے کہ دو روز قبل ضلع ہنگو کی تحصیل ٹل میں فوج نے ایک جعلی مقابلے میں ہمارے چار ساتھیوں کو ہلاک کیا تھا، آج انتقام لے لیا ہے۔

واضح رہے کہ حالیہ مہینوں میں سیکیورٹی فورسز پر حملوں میں اضافہ ہوا ہے۔