شمالی وزیرستان کے گاؤں موسکی میں ڈرون حملہ، بچوں سمیت 8 زخمی

میرانشاہ (نمائندہ ڈیلی اردو) پاکستان کے شورش زدہ صوبے خیب پختونخوا قبائلی کے ضلع شمالی وزیرستان کے علاقے میرعلی میں گاؤں موسکی میں کواڈ کاپٹر ڈرون حملے کے نتیجے میں بچوں سمیت 8 افراد زخمی ہو گئے۔ مقامی ذرائع کے مطابق حملے میں ایک زخمی کی حالت تشویشناک تھی، جسے فوری طور پر بنوں کے خلیفہ گل نواز ہسپتال منتقل کر دیا گیا۔

مقامی لوگوں کے مطابق حملہ عسکریت پسندوں کے خلاف کارروائی کے دوران ہوا، تاہم اس بارے میں ابتدائی طور پر واضح نہیں ہو سکا کہ حملہ کس جانب سے کیا گیا۔

واقعے کے فوراً بعد زخمیوں کو ابتدائی طبی امداد کے لیے ہسپتال منتقل کر دیا گیا۔

ہسپتال ذرائع نے بتایا کہ زخمیوں میں تین بچے اور دو مرد شامل ہیں، جبکہ دیگر زخمی افراد بھی مختلف عمروں کے ہیں۔ ابتدائی طبی معائنے کے بعد تمام زخمیوں کی حالت خطرے سے باہر بتائی گئی ہے