صدر جوبائیڈن اسرائیل عرب تعلقات کے حوالے سے ٹرمپ کی پالیسی کو آگے بڑھا رہے ہیں، امریکی میڈیا

واشنگٹن (ڈیلی اردو) امریکی میڈیا کا کہنا ہے کہ صدر جو بائیڈن اسرائیل عرب تعلقات کے حوالے سے سابق صدر ٹرمپ کی پالیسی کو ہی آگے بڑھا رہے ہیں۔

ایسوسی ایٹیڈ پریس کے مطابق بائیڈن انتظامیہ ٹرمپ کی پالیسی کو آگے بڑھا رہی ہے اور عرب ممالک کے اسرائیل سے تعلقات کے نئے امکان دیکھ رہی ہے۔

The Biden administration is laying the groundwork to encourage more Arab nations to sign normalization deals with Israel after May’s Gaza war interrupted the diplomatic effort. It’s a rare Trump policy embraced by President Joe Biden and other Democrats. https://t.co/Uqz6dubOC6

— AP Politics (@AP_Politics) June 10, 2021

صدر بائیڈن اسرائیل کو تسلیم کرنے کے لیے عرب ریاستوں کو نہ صرف ترغیب دے رہے ہیں بلکہ موجودہ معاہدوں کو مستحکم کرنے پر بھی زور دے رہے ہیں۔ تاہم امریکی عہدیداروں نے ان مسلم اور عرب ممالک کا نام بتانے سے انکار کیا ہے جو اسرائیل کے ساتھ تعلقات استوار کرنے پر رضامند ہوگئے ہیں۔

متحدہ عرب امارات اور بحرین اسرائیل سے پہلے ہی سفارتی تعلقات استوار کرچکے ہیں۔