صومالیہ: سیکورٹی فورسز کی کارروائی میں الشباب کے 12 سینئر جنگجوؤں ہلاک

موغادیشو (ڈیلی اردو) صومالیہ کے دارالحکومت موغادیشو میں ایک سٹنگ آپریشن کے دوران صومالی سیکورٹی فورسز نے دہشتگرد گروہ الشباب کے 12 سینئر جنگجوؤں کو ہلاک کر دیا ہے۔

قومی انٹیلی جنس اینڈ سیکورٹی ایجنسی (این آئی ایس اے) نے جمعرات کو بتایا کہ اس کی سیکورٹی فورسز نے شورش زدہ شہر میں کی جانیوالی کارروائی کے دوران الشباب کے نیٹ ورک کو بھی تباہ کر دیا ہے۔

این آئی ایس اے نے ایک بیان میں کہا کہ ہماری سیکورٹی فورسز نے ایک خصوصی کارروائی کے دوران الشباب عسکریت پسندوں کے 12 عہدیداروں کو نشانہ بنایا۔

صومالی عوام کی حفاظت اور سلامتی ہمارا قومی فرض ہے۔

رواں ہفتے موغادیشو میں الشباب عسکریت پسندوں کے خلاف سیکیورٹی فورسز کی یہ دوسری کارروائی ہے۔