فلسطین: غرب اردن میں نامعلوم مسلح افراد کی فائرنگ سے دو بھائی ہلاک

غزہ (ڈیلی اردو) فلسطین کے علاقے غرب اردن کے شمالی شہر طولکرم میں نامعلوم مسلح افراد کی فائرنگ سے دو فلسطینی بھائی ہلاک ہوگئے۔

#لحظة إطلاق النار على مركبة "شافع محمد ابو حسين وشقيقه صلاح" وهما من سكان باقه الغربية ، ليلة أمس في طولكرم … pic.twitter.com/eRp1tZkC4f

— Anan Samman (@AnanSamman) April 16, 2021

مرکز اطلاعات فلسطین کے مطابق یہودی شرپسندوں کی طرف سے فلسطینی شہریوں کی گاڑی پر فائرنگ کی گئی جس کے نتیجے میں گاڑی میں موجود دو فلسطینی جو آپس میں حقیقی بھائی بھی تھے شدید زخمی ہوگئے۔ انہیں علاج کے لیے ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔

ہلاک ہونے والے فلسطینیوں کی شناخت شافع اور صلاح ابو حسین کے ناموں سے کی گئی ہے جو سنہ 1948ء کے مقبوضہ علاقے باقہ سے تعلق رکھتے ہیں۔ انہیں طولکرم کی مشرقی کالونی میں آمد کے موقعے پر گولیاں مار کر قتل کیا گیا۔

فلسطینی پولیس نے اس واقعے کی تحقیقات شروع کردی ہیں۔ ابتدائی تحقیقات سے معلوم ہوا ہے کہ حملہ یہودی آبادکاروں کی طرف سے کیا گیا۔ حملہ آوروں کے پاس اسرائیلی نمبر پلیٹ والی کار تھی جو فائرنگ کے بعد فرار ہوگئے تھے۔