لاہور : سی ٹی ڈی کا آپریشن، ریڈ بک میں شامل 2 دہشت گرد گرفتار

لاہور(ڈیلی اردو) پنجاب کے دارلحکومت لاہور میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے ریڈ بک میں شامل دو دہشت گردوں کو گرفتار کرلیا۔

سی ٹی ڈی حکام کے مطابق گرفتار ملزمان میں سے ایک حساس ادارے کے افسر کے قتل کے مقدمے میں مطلوب تھا، جبکہ دوسرا ملزم بھی دہشت گردی سے متعلق مقدمات میں پولیس کو مطلوب رہا ہے۔

حکام کا کہنا ہے کہ دونوں ملزمان 2014 سے پولیس کو مختلف مقدمات میں مطلوب تھے اور ان کے خلاف لاہور میں دہشت گردی سمیت دیگر مقدمات درج ہیں۔

سی ٹی ڈی کے مطابق گرفتار دونوں دہشت گردوں کے بارے میں معلومات فراہم کرنے پر پانچ، پانچ لاکھ روپے انعام مقرر کیا گیا تھا۔ گرفتار ملزمان سے مزید تفتیش جاری ہے۔