لکی مروت: طالبان کا پرتشدد حملہ، پولیس اہلکار ہلاک، مکان نذر آتش

واشنگٹن (ڈیلی اردو رپورٹ) پاکستان کے شورش زدہ صوبے خیبر پختونخوا کے ضلع لکی مروت کی تحصیل سرائے نورنگ کے علاقے نصرخیل میں گزشتہ شب مسلح طالبان نے ایلیٹ فورس کے پولیس اہلکار دستگیر کے گھر پر حملہ کیا۔

حملہ آوروں نے مکان کو آگ لگا دی اور اہلِ خانہ کے سامنے پولیس اہلکار کو گولیوں سے چھلنی کر کے ہلاک کر دیا۔ پولیس ذرائع کے مطابق، حملے کے دوران اہلِ خانہ پر بھی تشدد کیا گیا۔

مقامی ذرائع نے بتایا کہ واقعے کے بعد طالبان نے تمام پولیس ملازمین کو دھمکیاں دیں اور پورے علاقے میں مسلح گشت کیا۔

رہائشیوں کو خبردار کیا گیا کہ وہ اپنی ملازمتیں چھوڑ دیں یا علاقے کو ترک کر دیں، جبکہ عسکریت پسندوں نے لڑکیوں کے اسکول بند کرنے کی دھمکی بھی دی۔