مردان میں جھڑپ: ایس پی پولیس اور کالعدم تحریک طالبان پاکستان کے اہم کمانڈر سمیت 2 دہشت گرد ہلاک

پشاور (ڈیلی اردو/اے پی/ڈی ڈبلیو) پاکستان کے صوبہ خیبر پختونخوا میں تعینات ایک پولیس اہلکار ہدایت اللہ نے بتایا ہے کہ منگل یعنی آج، علی الصبح پولیس نے ضلع مردان میں عسکریت پسندوں کے ایک ٹھکانے پر چھاپہ مارا، جس کے بعد پولیس اہلکاروں اور عسکریت پسندوں کے مابین ہونے والے فائرنگ کے تبادلے میں دہشت گرد تنظیم تحریک طالبان پاکستان (ٹی ٹی پی) کے دو مطلوب اراکین مارے گئے۔

ہدایت اللہ نے مزید بتایا کہ اس واقعے میں چھاپہ مارنے والی پولیس ٹیم کی قیادت کرنے والے سپرنٹنڈنٹ اعجاز خان آفتاب بھی ہلاک ہوگئے ہیں، جبکہ دو پولیس اہلکار زخمی ہوئے ہیں۔

مردان: شہید ہونے والے ایس پی محمد اعجاز شیرپاؤ کی نماز جنازہ پورے سرکاری اعزاز کیساتھ پولیس لائن میں ادا کر دی گئی۔

شہید کی نماز جنازہ میں ڈی آئی جی مردان محمدسلیمان، ڈپٹی کمشنر، ڈی پی او مردان سمیت دیگر پولیس افسران و اہلکاروں اور شہید کے لواحقین نے کثیر تعداد میں شرکت کی۔ pic.twitter.com/W0fWDipmkM

— KP Police (@KP_Police1) February 27, 2024

ان کی جانب سے فراہم کردہ تفصیلات کے مطابق ٹی ٹی پی سے تعلق رکھنے والے دو دہشت گرد جو چھاپے کے دوران مارے گئے، سکیورٹی فورسز پر ہونے والے 20 سے زائد حملوں میں مبینہ طور پر ملوث تھے اور اس حوالے سے پولیس کو مطلوب تھے۔

پولیس حکام نے ایسی کوئی معلومات فراہم کرنے جن سے ان کی گرفتاری میں مدد مل سکتی، کے عوض انعام کی رقم کا اعلان بھی کیا تھا۔

ٹی ٹی پی کی جانب سے افغانستان سے متصل پاکستان کے شمال مغربی علاقوں میں سکیورٹی فورسز کو نشانہ بنایا جاتا رہا ہے۔