میانمار: مقامی استحکام کے تحفظ کیلئے آسیان کے ساتھ کام کرنے کیلئے تیار ہے، جنرل مِن آنگ ہلینگ

یانگون (ڈیلی اردو/شِنہوا) میانمار کے سینئر جنرل مِن آنگ ہلینگ نے کہا ہے کہ میانمار کے اندرونی استحکام کے تحفظ اور متعلقہ اتفاق رائے کے اطلاق کیلئے میانمار جنوب ایشیائی اقوام (آسیان) کے ساتھ مل کر کام کرنے کیلئے تیار ہے۔

مِن آنگ ہلینگ نے ان خیالات کا اظہار میانمار میں چینی سفیر چھن ہائی کے ساتھ نے پئی تا میں ملاقات کے موقع پر کیا۔

میانمار میں چینی سفارتخانہ کی جانب سے جاری بیان کے مطابق ملاقات میں مِن آنگ ہلینگ نے میانمار کی اندرونی صورتحال بارے آگاہ کیا اور کہا کہ میانمار قومی استحکام، معاشی نمو، عوام کا معیار زندگی بہتر بنانے، جمہوریت کے تحفظ اور قانون پر عملداری کو فروغ دینے کیلئے پرعزم ہے۔

انہوں نے کہا کہ میانمار چین کو ایک اہم ہمسایہ کے طور پر دیکھتا ہے اور چین کے ساتھ بات چیت برقرار رکھنے کیلئے تیار ہے۔

سفیر چھن نے زور دیا کہ چینی فریق میانمار کے ساتھ روایتی دوستی کو ہمیشہ بہت پسند کرتا اور اہمیت دیتا ہے، انہوں نے مزید کہا کہ چین میانمار میں امن و استحکام کی ابتدائی بحالی کی امید کرتا ہے اور آسیان اور میانمار کے اتفاق رائے کے نفاذ کی حمایت کرتا ہے۔

چھن نے کہا کہ چین اس حوالے سے تعمیری کردار ادا کرنے کیلئے تیار ہے۔

دونوں فریقین نے چین – میانمار تعلقات اور نوول کورونا وائرس کی عالمی وبا کی مشترکہ طور پر روک تھام اور قابو پانے سمیت مسائل پر بھی تبادلہ خیال کیا۔