نریندر مودی اور کشمیر کے وزیراعلیٰ کی ملاقات، پہلگام حملے بارے بات چیت

نئی دہلی (ڈیلی اردو/ بی بی سی اردو ) انڈیا کے زیر انتظام کشمیر کے وزیر اعلی عمر عبداللہ اور وزیر اعظم نریندر مودی کے درمیان دہلی میں اہم ملاقات ہوئی ہے جس میں پہلگام حملے سے متعلق بات چیت کی گئی ہے۔

انڈیا کے خبر رساں ادارے اے این آئی نے جموں کشمیر نیشنل کانفرنس کے آفیشل ایکس (ٹوئٹر)اکاؤنٹ کا حوالہ دیتے ہوئے لکھا ہے کہ ’جموں و کشمیر کے وزیر اعلی عمر عبدااللہ کی وزیر اعظم نریندر مودی کی ملاقات ہوئی ہے جس میں پہلگام حملے سمیت دیگر اہم معاملات پر بات چیت کی گئی ہے۔‘

اے این آئی نے اس ملاقات کی تفصیلات سے متعلق کچھ زیادہ نہیں لکھا تاہم پہلگام حملے کے بعد دونوں رہنماؤں کی اس ملاقات کو خاصی اہمیت دی جا رہی ہے۔

یاد رہے کہ 22 اپریل کو انڈیا کے زیر انتظام کشمیر کے علاقے پہلگام میں ایک حملے میں 26 لوگ مارے گئے جن میں زیادہ تر سیاح تھے۔

اس حملے کے بعد سے انڈیا کی جانب سے پاکستان پر الزام تراشیوں کا سلسلہ جاری ہے جبکہ دونوں ممالک کے درمیان تجارتی و سفارتی تعلقات منقطع ہو گئے ہیں اور انڈیا پاکستان کے درمیان کشیدگی دن بہ دن بڑھتی دکھائی دے رہی ہے۔