نواز شریف کے صاحبزادے حسین نواز کا والد کو زہر خورانی کا خدشہ

اسلام آباد (ڈیلی اردو) نواز شریف کے صاحبزادے حسین نواز نے والد کو زہر خورانی کا خدشہ ظاہر کردیا ہے، اپنے ٹویٹ میں حسین نواز کا کہنا تھا کہ یہ آج کا نہیں بہت عرصے سے طے شدہ طبی معاملہ ہے کہ پلیٹ لیٹس کی کمی کی ایک وجہ زہر بھی ہو سکتی ہے، جو کسی صورت میں دیا جا رہا ہو۔

تفصیلات سابق وزیراعظم نواز شریف کے صاحبزادے حسین نواز کا کہنا ہے کہ پلیٹیلیٹس کم ہونے کی ایک وجہ زہر بھی ہو سکتی ہے۔

مسلم لیگ (ن) کے قائد نواز شریف کی طبیعت ناساز ہونے پر قومی احتساب بیورو (نیب) دفتر سے سروسز ہسپتال لاہور منتقل کیا گیا جہاں ان کا طبی معائنہ کیا جارہا ہے۔

https://twitter.com/Hussain_NSharif/status/1186325439490543621?s=19

سابق وزیراعظم کے ذاتی معالج ڈاکٹر عدنان کا اپنی ٹوئٹ میں کہنا تھا کہ رات 8 بجے کی رپورٹ کے مطابق نواز شریف کے خون میں پلیٹیلیٹس 16 ہزار کی سطح پر تھے۔

حسین نواز نے اپنی ٹوئٹ میں مزید کہا کہ ’کسی کو شبے کا فائدہ نہ دیں، اگر والد کو کوئی نقصان پہنچا تو آپ جانتے ہیں کون لوگ اس کے ذمہ دار ہوں گے‘۔