پشاور میں دہشت گردوں کی فائرنگ سے زخمی اے ایس آئی دم توڑ گیا

پشاور (ڈیلی اردو) صوبہ خیبر پختونخوا کے دارالحکومت پشاور کے علاقے مچنی گیٹ ڈاگ کارہ میں پولیس موبائل پر ہونے والی فائرنگ میں زخمی ہونے والا اے ایس آئی چل بسا۔

تفصیلات کے مطابق پیر کی رات پشاور کی علاقے مچنی گیٹ ڈاگ کارہ میں دہشت گردوں نے معمول کی گشت پر موجود پولیس موبائل پر فائرنگ کر دی تھی جس کے نتیجے میں 2 اہلکارو موقع پر ہلاک جبکہ ایک شدید زخمی ہو گیا تھا۔

ایس ایس پی آپریشنز کا کہنا تھا کہ پولیس اہلکار معمول کی پٹرولنگ گشت پر تھے کہ دہشتگردوں نے گھات لگا کر موبائل پر حملہ کیا، حملے میں کانسٹیبل اجمل اور سراج موقع پر ہی دم توڑ گئے تھے جبکہ موبائل افسر مظہر زخمی ہوا، فائرنگ کے بعد نامعلوم دہشتگرد فرار ہونے میں کامیاب ہو گئے تھے۔

دہشتگردوں کی فائرنگ سے زخمی ہونے والا اے ایس آئی مظہر 2 روز تک نجی ہسپتال میں زیر علاج رہنے کے بعد آج دم توڑ گیا ہے جس کے بعد ہلاک ہونے والے اہلکاروں کی تعداد 3 ہو گئی۔