پشاور میں ڈپٹی اسپیکر خیبر پختونخوا اسمبلی محمود جان پر فائرنگ

پشاور (ڈیلی اردو) صوبہ خیبر پختونخوا کے صوبائی دارالحکومت پشاور کے علاقے ریگی میں تقریب کے دوران ڈپٹی اسپیکر خیبرپختونخوا اسمبلی محمود جان پر نامعلوم افراد نے فائرنگ کردی تاہم ڈپٹی اسپیکر حملے میں محفوظ رہے۔

سینئر سپرنٹنڈنٹ آف پولیس (ایس ایس پی) آپریشنز کاشف عباسی نے صحافیوں کو بتایا کہ پشاور کے نواحی علاقے میں ایک تقریب جاری تھی جس کے قریب فائرنگ کا واقعہ پیش آیا۔

پولیس کے مطابق تقریب میں خیبرپختونخوا اسمبلی کے ڈپٹی اسپیکر محمود خان بھی موجود تھے، تاہم وہ اس واقعے میں محفوظ رہے۔

انہوں نے کہا کہ پولیس کا ملزمان کی تلاش کے لیے علاقے میں سرچ آپریشن جاری ہے۔

ان کا کہنا تھا کہ حملے کا مقصد اب تک واضح نہیں ہوسکا۔