پنجاب: لاہور سے خودکش بمبار گرفتار، ساتھی زخمی حالت میں فرار

واشنگٹن (ش ح ط) صوبہ پنجاب کے صوبائی حکومت ‏لاہور کے علاقے برکی روڈ کے قریب کاؤنٹر ٹیررزم ڈیپارٹمنٹ (سی ٹی ڈی) اور شدت پسندوں کے درمیان فائرنگ کے تبادلے کے بعد ایک خودکش بمبار کو زندہ گرفتار کر لیا گیا، جبکہ اس کا ساتھی زخمی حالت میں فرار ہو گیا۔

سی ٹی ڈی حکام کا دعویٰ ہے کہ یہ ایک بڑی کامیابی ہے کیونکہ خودکش بمباروں کو زندہ گرفتار کرنا انتہائی مشکل ہوتا ہے۔ حکام کے مطابق، ملزم کو موقع پر قابو میں نہ لیا جاتا تو وہ کسی بھی وقت خود کو دھماکے سے اُڑا سکتا تھا، تاہم سیکیورٹی اہلکاروں نے پیشہ ورانہ مہارت کا مظاہرہ کرتے ہوئے اسے گرفتار کر لیا۔

ذرائع کے مطابق، گرفتار دہشت گرد کی شناخت حافظ شمس کے نام سے ہوئی ہے، جو کہ بلوچستان کا رہائشی ہے اور کالعدم جماعت الاحرار گروپ سے تعلق رکھتا ہے۔

جماعت الاحرار کالعدم شدت پسند تنظیم تحریک طالبان پاکستان (ٹی ٹی پی) کے ساتھ منسلک ہے.

سی ٹی ڈی کا کہنا ہے کہ ملزم سے اہم انکشافات کی توقع ہے اور اس کے سہولت کاروں کی گرفتاری کے لیے تحقیقات کا دائرہ وسیع کر دیا گیا ہے۔ فرار ہونے والے دہشت گرد کی گرفتاری کے لیے علاقے میں سرچ آپریشن جاری ہے۔